З гісторыі школы

У той час школа знаходзілася практычна на пустцы, існуючы цяпер жылы мікрараён яшчэ не быў пабудаваны. Таму, у першыя гады месца, дзе была пабудавана школа, каменчане жартам называлі “Дзмітрукаў хутар”. Спатрэбілася некалькі гадоў, каб школьная тэрыторыя набыла абжыты выгляд. Многае для добраўпарадкавання прышкольнай тэрыторыі зрабіла ў той час настаўнік біялогіі Лідзія Васільеўна Жых. Намаганнямі настаўнікаў фізічнай культуры быў створаны школьны стадыён. У 1974-1976 гадах былі аформлены ўсе кабінеты, піянерскі пакой. Увядзенне кабінетнай сістэмы дазволіла забяспечыць заняткі ў сярэдніх і старэйшых класах у адну змену. У тыя ж гады былі пабудаваны дзве вялікія цяпліцы, дзе практычна цэлы год раслі кветкі, гародніна, расада.

У 1975 годзе школа зрабіла першы выпуск, гэта былі хлопцы, якія праверылі ў сценах школы ўсяго адзін год, але, тым не менш, першыя 84 выпускнікоў уступілі ў самастойнае жыццё ўжо са сцен новай школы. А ў 1984 годзе ў жыцці пайшоў выпуск, які правучыўся ў школе 10 год, гэта былі першакласнікі 1974 года. Адзін з іх, Міхась Міхайлавіч Макаед, працуе сёння ў нашай школе настаўнікам фізікі. Гэта чалавек, які закаханы ў сваю школу, у сваю прафесію, сур'ёзна займаецца турызмам.

Школа заўсёды славілася сваімі педагогамі. У розныя гады ў школе працавалі тры заслужаныя настаўнікі БССР: Кацярына Малахаўна Андэрэюк, Ніна Канстанцінаўна Сідаровіч, Дзмітрый Раманавіч Дошчык. У 70-80-х гадах група настаўнікаў была адзначана званнем «Выдатнік асветы БССР». Гэта дырэктар школы Дзмітрук Георгій Пятровіч, настаўнікі пачатковых класаў Дацкевіч Раіса Якаўлеўна і Шляхта Марыя Фёдараўна, арганізатар пазакласнай і пазашкольнай работы Марчук Мая Канстанцінаўна. Многія педагогі школы былі людзьмі яркімі, якія пакінулі ў памяці сваіх вучняў незгладжальны след. Вось толькі некаторыя з іх. Гэта настаўнік фізікі Георгій Георгіевіч Грушэўскі, настаўнік беларускай мовы і літаратуры Воўк Іван Андрэевіч, настаўнік рускай мовы і літаратуры Дзмітрук Марыя Іларыёнаўна, настаўнік пачатковай ваеннай падрыхтоўкі Фокін Аляксандр Паўлавіч. З першага дня адкрыцця школы настаўнікам фізічнай культуры ў нас працуе Баранаў Віктар Іванавіч. Сапраўдным энтузіястам пошукавай работы была Мая Канстанцінаўна Марчук, намаганнямі якой у 1977 годзе быў заснаваны музей баявой славы "Памяць не маўчыць", 29 красавіка 1980 года яму было прысвоена званне "школьны музей". У 1980 годзе школу ўзначаліў Міхаіл Канстанцінавіч Саевіч, пісьменны педагог і кіраўнік, выдатнік асветы. У тыя гады школа дабілася ўражлівых спартыўных вынікаў: дзевяць гадоў першынствавала ў раённай алімпіядзе, была апорна-паказальнай у вобласці па фізкультуры. Шмат было зроблена для ўмацавання матэрыяльнай базы для заняткаў спортам. У 1986 годзе школа прымала ўдзельнікаў усесаюзнага семінара па фізічным выхаванні. З 1987 года школай кіраваў Дзмітрый Раманавіч Дошчык, заслужаны настаўнік Беларусі. У гэтыя гады шмат было зроблена для ўмацавання матэрыяльнай базы школы, прыкметна змяніўся яе ўнутраны выгляд.

Шмат увагі надавалася развіццю мастацкай творчасці навучэнцаў. У 1988 годзе пакладзены пачатак камп'ютарызацыі школы. У 80-90х гадах у школе працавалі такія выдатныя педагогі, як настаўнік рускай мовы і літаратуры Губарава Людміла Васільеўна, настаўнік беларускай мовы і літаратуры Скобельская Алена Уладзіміраўна, настаўнік гісторыі Франковіч Марына Іванаўна, настаўнік абслугоўваючай працы Іванюк Вольга Іванаўна, настаўнікі хіміі Семянюк Яўгенія Уладзіміраўна, настаўнік НВП Раманаў Віктар Аляксеевіч, настаўнік фізікі Карнялюк Лідзія Піменаўна і многія іншыя. Другая палова 90-х гадоў мінулага стагоддзя-пачатак цяперашняга былі складаным часам у жыцці школы.

З 1996 года школай кіруе былы выпускнік гэтай школы Ігар Сяргеевіч Філіпаў. За гэты час школа зведала некаторыя змены. Найперш адбылася змена пакаленняў у педагагічным калектыве. Але на змену старэйшым калегам прыйшла годная змена педагогаў. А інакш і быць не магло, бо педагогі, якія стаялі ля вытокаў школьнай гісторыі, заклалі ў падмурак прафесіяналізму, адукаванасці, стварылі ў школе атмасферу высокай маральнасці, даверу і павагі сябар да сябра і да вучняў. За час існавання школы яе скончылі 3046 чалавек, 204 выпускнікі скончылі школу з залатымі і сярэбранымі медалямі. Многія нашы выпускнікі сталі вядомымі не толькі ў горадзе, раёне, але і ў рэспубліцы. Вось толькі некаторыя прыклады. Выпускнік школы 2013 года Ліцкевіч Максім стаў сярэбраным прызёрам 44 міжнароднай алімпіяды па фізіцы, якая праходзіла ў Капенгагене. Гонарам школы з'яўляецца доктар медыцынскіх навук Аляксандр Сяргеевіч Карпіцкі і Сяргей Уладзіміравіч Панько, кандыдат медыцынскіх навук Вольга Мікалаеўна Дзенісюк. Сяргей Пятровіч Мартысюк працуе ў адміністрацыі Саюзнай дзяржавы ў г. Масква, а Анжэла Канстанцінаўна Карнялюк – супрацоўнік міністэрства замежных спраў Беларусі, шэраг гадоў працавала ў апараце ААН. 

Выпускнікамі нашай школы з'яўляюцца галоўдоктар Камянецкай ЦРБ Карасінскі Іван Іосіфавіч, намеснікі галоўдоктара Камянецкай ЦРБ Асапрылка (Якубовіч) Марына Валер'еўна і Юшкевіч (Каліш) Алена Віктараўна, галоўдоктар Камянецкага РЦГіЭ Булах (Чарнава) Святлана Мікалаеўна шматліка-шмат выдатных людзей розных прафесій і проста нечых мам і тат. Усе яны розныя, у кожнага па-свойму склалася жыццё, але ёсць тое агульнае, што ўсіх іх аб'ядноўвае - яны з гонарам нясуць званне выпускнікоў сярэдняй школы №2 г.Камянца. Якой будзе гісторыя школы заўтра, шмат у чым залежыць ад нас, сённяшніх педагогаў і вучняў.

Але сёння мы з гонарам гаворым аб тым, што наша Другая школа, як і ў ранейшыя часы, застаецца ў ліку лепшых у раёне. Дырэктар школы, Філіпаў Ігар Сяргеевіч, адзначаны значком "Выдатнік адукацыі".

Мы ўпэўненыя ў тым, што са сцен нашай школы ў самастойнае жыццё выйдзе яшчэ шмат адукаваных, а галоўнае - добрых сэрцам і багатых душой людзей. І спадзяемся, што ўсе яны з цяплом і глыбокай удзячнасцю будуць памятаць сваіх настаўнікаў, сваю школу.